Aldrei tekið við áhættufjármagni
Upsell hefur aldrei fengið fjármagn frá áhættufjárfestum eða sjóðum. Vöxturinn kemur frá viðskiptavinum sem borga fyrir þjónustu sem virkar.
Um okkur
Sjálfstætt fyrirtæki í eigu fólksins sem smíðar það
Upsell er íslenskt hugbúnaðarfyrirtæki í Reykjavík sem smíðar kerfið sem veitingastaðir keyra á: kassa, netpantanir, eldhússkjái og uppgjör í einu kerfi. Við eigum fyrirtækið sjálf og tökum ákvarðanir með viðskiptavinum okkar, ekki fjárfestum.
Eignarhald
Upsell er 100% í eigu þriggja einstaklinga
Arnar Þór Sveinsson, Hlynur Halldórsson og Sindri Guðmundsson eiga Upsell að fullu. Engir sjóðir, engir hljóðlátir hluthafar, enginn annar við borðið.
- Arnar Þór SveinssonEigandi
- Hlynur HalldórssonEigandi
- Sindri GuðmundssonEigandi
Engin tengsl við veitingabransann utan Upsell
Utan þess að reka Upsell höfum við engin tengsl við veitingabransann. Við keppum því aldrei við viðskiptavini okkar og höfum engra annarra hagsmuna að gæta en að kerfið virki fyrir þá.
Þróun
Allt í Upsell er hannað og þróað í samstarfi við viðskiptavini
Enginn eiginleiki í kerfinu varð til á lokuðum hugmyndafundi. Þeir urðu til með fólkinu sem notar kerfið á hverjum degi.
- 01Byrjar hjá viðskiptavini
Nýr eiginleiki byrjar sem raunverulegt vandamál á raunverulegum stað. Við smíðum lausnina með staðnum og skilum henni svo til allra.
- 02Stutt boðleið
Ábendingar frá viðskiptavinum fara beint til fólksins sem hannar og forritar kerfið, ekki í gegnum millilög.
- 03Prófað í rekstri
Ekkert fer í almenna dreifingu fyrr en það hefur sannað sig í raunverulegum rekstri: á kössum í hádegisös, í eldhúsum á föstudagskvöldum og í uppgjörum um mánaðamót.
Sjálfstæði
Ekkert áhættufjármagn, engin sala á dagskrá
Við byggjum Upsell til að reka það, ekki til að selja það.
Engin sala á dagskrá
Upsell er ekki að huga að sölu á fyrirtækinu í náinni framtíð. Ákvarðanir eru teknar með langtímahagsmuni viðskiptavina í huga, ekki næsta söluferli.
Eitt markmið
Að bjóða veitingabransanum bestu þjónustu og lausnir sem völ er á. Ekkert annað.
Gildi
Hvernig við hugsum
Eitt kerfi, engir plástrar
Við trúum ekki á að líma saman fimm kerfi með millihugbúnaði. Kassinn, vefurinn, eldhúsið og bókhaldið eiga að tala saman af því þau eru sami hluturinn.
Íslenskur veruleiki
Íslenskar greiðsluveitur, íslenskt bókhald og íslensk fyrirtækjamenning, ásamt stuðningi á íslensku frá fólki sem þekkir reksturinn þinn.
Tækni í fremstu röð
Kerfið keyrir á dreifðu skýjaneti með rauntímasamstillingu milli allra tækja. Uppfærslur berast sjálfkrafa, enda reka viðskiptavinir okkar veitingastaði, ekki tölvukerfi.
Hafðu samband
Talaðu við okkur
Sjáðu kerfið með þínum matseðli á 30 mínútum
Við setjum upp kynningu með þínum vörum og þínum verðum. Engin skuldbinding, ekkert uppsetningargjald.
